- 24 -

1331. Juni 15.

Nos Nicolaus dei gracia Dux Oppauiensis Recognoscimus et ad universorum tam presencium quam futurorum noticiam tenore presencium volumus pervenire, Quod quoscunque reditus sive bona quecunque fideles nostri Otto dictus Thure et Jescho fratres de Linauia Conventui Sanctimonialium Cenobij Rathiburgensis O. S. Dominici hereditarie vendiderunt Scilicet Nonam mediam marcam redituum in villa Besdeaw in nostra Oppauiensi terra sita, et tres marcas redituum in eadem villa, quas ad sororem corum Religionis habitum in dicto Cenobio quo assumpsit, eidem Conventui hereditarie similiter donaverunt, Ad ea nostrum adhibemus favorabiliter beneplacitum et consensum, dictos reditus sive censum Vndecim videlicet marcarum cum dimidia marca in undecim lanijs cum dimidio lanio habitum et deputatum in predicta villa Besdeaw, cum suis singulis utilitatibus ac pertinencijs universis. Ipsi Conventui Cenobij predicti hereditarie conferendo attestacione presencium confirmamus possidendum, utifruendum, tenendum et habendum, eodem iure quo snpradicti fratres memorata bona a nobis habendo possederunt. In cuius testimonium presentes scribi et nostri maioris Sigilli munimine iussimus roborari. Actum in Grecz sub anno domini M°. ccc°. xxxj°. xvij°. Kal. Julij per manus Petri de Mertindorf Curie nostre Notarij.

Aus der Privilegienbestätigung Kaiser Ferdinands II. vom 25. Jan. 1622.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 2, Urkunden der Klöster Rauden und Himmelwitz, der Dominicaner und Dominicanerinnen in der Stadt Ratibor. Hrsg von dr. W. Wattenbach, Breslau 1859.